पान का शौक : एक बहुत ही मजेदार कविता

पान का शौक                                  posted by 'Ashish Kumar Rawat'

---

"Ek din mere gaon me prasad bant raha tha, main prasad lene ke liye ja pahucha aur prasad leke ghar chala aaya. Jab maine dekha ki jis kaagaj ke panne me prasad tha us par ek bahut achchhi kavita thi. Kavita padhne ke baad main seedha bhaga jahan prasad mil raha tha ye sochkar ki shayad iss pustak ke kuch panne aur mil jaaye, parantu ab kafi der ho chuki thi. Ussi panne ki hashya kavita aaj main prastut kar raha hoon..." Ashish Kumar Rawat

एक दिन हम गेन रहै म्याला
गर्मी से अकुलाय रहै,
गर्मी से राहत की खातिर,
खुद आपन रुमाल डुलाय रहै|
इतनेन मा एक सज्जन आए
बकरी के जस पगुराति रहै,
आपन मुह मा उई पान भरे,
थुकै के खातिर जाति रहै |

दुई चारि कदम आगे बढ़ी गें
मुलो भीड़ नहीं तिनको कम भै ,
कुछ राम कृपा उनपै होई गै
आपन दुई हाँथ बढाई के
आगे वालेन का रोंकी देहेन |

अब का पता बेचारे का
कि झगड़ा हिंया अउ बाढ़ी ,
आपन सोलह सिंगार किये
एक ड्रीम गर्ल बगले ठाढ़ी ।
सरटउना पूरा लाल - लाल
स्कर्टउना तक वह पहुचि गवा
यह देखिके मैडम का पारा
100 के ऊपर पहुँचि गवा ।
ऊंचे फुटवियर निकारि लिहिस
सज्जन के खोपड़ी सजै लागि ,
उई  सॉरी - सॉरी करति रहै
मुलो खोपड़ी मा बारा बजै लागि ।
यह देखि हमै गुस्सा आवा
हम कहा कि आगे बढि जाई,
मुलो साथी हमरे कहै लागि
तुमहू का थोडा मिलि जाई ।
जबसे यहु नजारा द्याखा
हम पान खाब छोडि दीना ,
अब पान न खइबे हम कबहू
खुद आपन कान पकड़ि लीना ।

- Unknown